بعشق تجاعيد وشك ياجدّي
فيهم شقى وعرق مندّي
والعب معاك و اغش بـ لعبي
ألقى عيونك تضحك فى وشي
اضحك وأزأطط وأزيد فى غشّي
واقول ياجدو هاتلى حلاوة
طعمة طعامة وآخر نقاوة
هاحكيلك حاجة آخر شقاوة
أنا لما أكبر وأطول واعدى
راح ابقا زيك بـثقة وتحدّي
ايدك عطوفة للفقرا تدي
وعينيك هتنطق مين بس قدّى
قلبك دا جامد جرىء معدّى
اخلاق عظيمة ولا طفل وردى
ياما نفسى أوصل لحد سنك
واشوف حياتى زيك فى وشك
تجاعيد بتحكى حياة جريئة
حلوة ومرة فى كل دقيقة
ويجى وِلدِي يحكيلى نفسي
ويتمنى يبقى زىّ بريئة
^_^
لي
غادة الدِغيدي
